विशेषण व विशेषणाचे प्रकार 

Table of Contents

1.विशेषणाची व्याख्या
2. विशेषणाचे प्रकार
3.गुणविशेषण
4.संख्याविशेषण
5.सार्वनामिक विशेषण

विशेषणाची व्याख्या : नामाबद्दल विशेष माहिती सांगणार्‍या शब्दाला ' विशेषण ' असे म्हणतात. 

उदा: 1) हिरवे रान             2) चांगली मुले 

विशेषण : हिरवे , चांगली 

विशेषणाचे प्रकार : 

   विशेषणाचे मुख्य तीन प्रकार आहेत. 

1) गुणविशेषण 

2) संख्याविशेषण 

3) सार्वनामिक विशेषण 

Must read (नक्की वाचा)
नाम व नामाचे प्रकार

1) गुणविशेषण : जे विशेषण नामाचा कोणत्याही प्रकारचा गुण किंवा विशेष दाखविते त्यास  ' गुणविशेषण ' म्हणतात. 

उदा. * आंबट बोरे 

       * शूर सरदार 

       * शुभ्र ससा 

2) संख्याविशेषण : जे विशेषण नामांची संख्या दाखविते त्या  ' संख्याविशेषण ' म्हणतात. 

* संख्याविशेषणाचे पाच प्रकार आहेत. 

1) गणनावाचक संख्याविशेषण 

2)क्रमवाचक संख्याविशेषण 

3) आवृत्तीवाचक संख्याविशेषण 

4) पृथकत्ववाचक संख्याविशेषण 

5)अनिश्चित संख्याविशेषण 

1) गणनावाचक संख्याविशेषण : ज्या विशेषनाचा उपयोग गणना किंवा गणती करण्यासाठी होतो त्यास ' गणनावाचक विशेषण ' म्हणतात. 

उदा. * चौदा भाषा 

        * साठ रुपये 

        * दोघे भाऊ 

* गणनावाचक संख्याविशेषनाचे तीन उपप्रकार आहेत. 

1) पूर्णांक वाचक : एक , दोन ,तीन 

2) अपूर्णांक वाचक :  पाव, अर्धा, पाऊण 

3)साकल्यवाचक: दोन्ही भाऊ, पाची पांडव 

2)क्रमवाचक संख्याविशेषण : ज्या विशेषणाचा उपयोग वाक्यातील वस्तूचा क्रम दाखवण्यासाठी केला जातो त्यास  'क्रमवाचक संख्याविशेषण ' म्हणतात. 

उदा. * दूसरा वर्ग

       * पाचवे वर्ष 

       * चौथा बंगला 

3) आवृत्तीवाचक संख्याविशेषण :   जी विशेषणे वाक्यात  संख्येची किती वेळा आवृत्ती झाली हे दाखवितात त्यांना  ' आवृत्तीवाचक संख्याविशेषणे म्हणतात. 

उदा : * तिप्पट पैसे 

          * दुहेरी रंग 

          * चौपट मुले

4) पृथकत्ववाचक संख्याविशेषण :   जी विशेषणे वेगवेगळा असा बोध करून देतात त्यांना ' पृथकत्ववाचक संख्याविशेषण ' असे म्हणतात. 

उदा.  * एकेक मुलगा

         * दहा- दहांचा गट 

5) अनिश्चित संख्याविशेषण : जी विशेषणे निश्चितपणे संख्या दाखवीत नाही त्यांना ' अनिश्चित संख्याविशेषणे ' असे म्हणतात.  

उदा. * काही माणसे 

         * सर्व मुली 

         * थोडी मुले 

3) सार्वनामिक विशेषण : सर्वनामापासून तयार झालेल्या विशेषणाना ' सार्वनामिक विशेषणे ' असे म्हणतात. 

उदा. * तो प्राणी 

        * हा मुलगा 

        * माझे घर 

Must read (नक्की वाचा)
सर्वनाम व सर्वनामाचे प्रकार

Must solve (नक्की सोडवा )
मराठी व्याकरण टेस्ट -1